中秋節又到：月餅優惠全攻略！

眨下眼好快又中秋節，依照以往經驗而言，每次早翻個幾月訂定月餅都可以慳一大筆！今日就黎盤點下幾間最熱門嘅賣月餅店有咩優惠啦！

 美心月餅

只要有滙豐信用卡嘅你，就可以以6折優惠買美心唔同類型嘅月餅。一直被瘋搶嘅美心流心奶黃月餅只需HK$228（原價＄380），而普通雙黃蓮蓉月餅都只係＄213（原價＄355），再經濟啲買冰皮月餅，森雪果園冰皮禮盒先係HK$142.8（原價＄238），每款都幾乎平成舊水啊！

東海堂月餅

同美心一樣，只要有滙豐信用卡就可以以6折優惠買月餅，而東海堂嘅雙黃白蓮蓉月餅只需$189.6（原價＄316），冰兔月餅直頭$153.6（原價＄256）就買到，真係超級抵啊！今年仲會推出POKEMON精靈球造型奶黃月餅，只要HK$279就可以帶走原價HK$444嘅月餅，有興趣嘅朋友快啲訂啦！

奇華餅家

憑渣打／MANHATTAN信用卡單一簽帳滿HK$100，就可以有8折優惠，滿HK$ 1,000或以上，仲送迷你月餅一個及鮮肉臘腸HK$60現金優惠券。今年仲推出Sanrio卡通人物特色月餅，送比小朋友可以考慮！

大班冰皮月餅

以恒生信用卡買，可以享有低至55折嘅優惠，部分月餅更可以加 $1 Cash Dollar 多換 1 盒，詳情可以留意翻大班官網！

Häagen-Dazs

即日到2019年8月5日，只要用DBS信用卡預訂，就可以享低至68折優惠！好似今年都有嘅 「Line Friends 友‧歡聚」都只係$280（原價＄398），最平嘅 「愛·復古」，「愛·明月」都只要＄220（原價＄338）就買到，要訂就快手啦！