同朋友行街睇戲食飯,夾完嘅錢大多數都用PayMe轉帳搞掂。而且每過一次數仲有得賺cash dollars,都咪話唔正啊!而今次滙豐推出新版PayMe,將會用全新界面同一系列強化功能,仲連接「轉數快」幫PayMe增值,比起舊PayMe真係方便好多!
黎緊新版PayMe可以連接「轉數快」,仲有得即時轉賬至其他銀行戶口及電子錢包。但係信用卡每月增值上限將由目前的5,000元調降至2,000元,一直係PayMe先洗未來錢嘅朋友要注意啦!
除此之外,新介面仲多咗 「快速點擊清單」,可以隨意揀選最常用的功能,例如付款,付款請求,增值,轉賬至銀行戶口呢類功能。而且PayMe用戶仲可透過「直接付款授權服務」從10間本地銀行幫戶口增值,每月上限5萬蚊。
Beta測試版PayMe應用程式即日起已經可以下載試用,而家有大概160萬名PayMe用戶,相信未來PayMe會逐漸成為付款消費嘅主流!