夏日熱辣辣,路過便利店買樽野飲已經係例行公事,但飲下一支又一支嘅你,有無意識到自己飲咗幾多糖落肚?為咗唔好比自己再向橫發展,日本有人發明咗糖分攝取APP,只要scan標籤,就可以睇到自己飲咗幾多粒方糖入肚!
呢個app可以話係方便簡單,有標籤嘅樽裝飲品都可以用到,只要用手機鏡頭掃描飲品嘅標籤,就可以清楚睇到該瓶飲品的含糖量,以方糖動畫形象化含糖量,咁就知道自己食咗幾多粒方糖入肚!而且app內仲有飲品糖分佔每日糖分攝取量的比率,你可以清楚知道自己有無攝取過多糖分,咁就更加容易keep fit啦!
App正式名為「サトウさん」(砂糖先生),已經通過咗審核,將於8月16日於App Store上架,大家可以先預約下載!