觀塘最近開咗一間窮人天堂嘅餐廳-「素街」,係一間價錢親民,食物款式又多嘅素食自助餐廳,主打本土懷舊小食,而且最平$48就食到飽!餐廳由前茶,主菜,甜品都一應俱全,絕不馬夫,咁抵食嘅餐廳點都值得一試啦!
餐廳主要提供蛋奶素,亦有唔少純素菜式,如果有蛋奶成份都會標明,食物敏感或全素食人士可以安心。食物方面餐廳主打香港地道美食,例如炸脆奶、白糖糕、蝦多士,碗仔翅,焗豬扒飯、厚多士等,超過50款素菜任你揀。
健康啲嘅家常小菜,有番茄炒蛋 、黃薑飯、麻婆豆腐等,全部配飯都開胃又飽肚!食飽飽之後仲有素食甜品,例如有紫薯粥、忌廉泡芙、麵包布甸同一系列水果,包你食到圓滿嘅一餐!
價錢:
午餐 (60分鐘)
星期一至五早上11時45分至下午2時30分:$68 (大小同價);星期六、日及公眾假期早上11時45分至下午4時:成人$98;小童$68
下午茶(60分鐘)
星期一至五下午2時30分至4時:$48 (大小同價)
晚餐(90分鐘)
星期一至四晚上6時至9時30分:成人$108;小童$78;星期五、六、日及公眾假期晚上6時至9時30分:成人$138;小童$88
地點 觀塘駿業街56號中海日升中心1樓B 觀塘區
開放時間星期一至日11:45am-4pm;6pm-9:30pm