以前成日聽人講,咖啡飲得多會傷胃,又會影響皮膚,但亦有另一種講法,就係咖啡可以消脂去腫,咁究竟為左健康應唔應該飲咖啡呢?而之前歐洲就有報告顯示過,每天飲用 2-4 杯咖啡嘅人,竟然有較低嘅死亡率,我諗呢件應該係咖啡控聽過最開心嘅事啦!
《歐洲流行病學雜誌》曾經刊登咗一項研究,研究指出飲咖啡與死亡率呈負相關。撇除年齡、體重、煙酒習慣與咖啡因含量等因素,飲用咖啡人士比唔飲咖啡嘅人,平均可多活2年,而每日飲用3-5杯咖啡有助降低患上心臟衰竭、心律不整,甚至中風等心血管疾病嘅風險。
亦有學者留意到飲用愈多咖啡嘅男女,都較低機會患上癌症,估唔到飲咖啡可以有咁養生嘅效果。同時咖啡有助降低腦退化嘅風險,猶其成日唔記得嘢嘅自己友,記得提自己飲多啲咖啡,提防自己變成壞左嘅人!