夏天咁熱，通常自己友都會買定十罐八罐汽水落雪櫃爽下，就算減緊肥都會買定一堆無糖可樂冰下自己。但無糖既汽水，係咪真係唔會肥呢?有研究証實，飲有汽產品唔單止唔會飽啲，仲會越飲越肚餓！
以往有實驗結果顯示，飲咗有氣飲品嘅人，比起無飲嘅人，體內嘅荷爾蒙生長素會上升了50%，因此會比平常人感覺到更強烈嘅飢餓感。平均係之後嗰餐都會比平時食多120卡路里嘅嘢，變相越飲得多就胃口越大，隨時變增磅元兇！
如果鍾意飲嘢嘅人，可以考慮下無氣又健康嘅嘢飲，例如：
- 無糖綠茶，紅茶，日本茶
（茶可以消脂解膩，阻擋脂肪吸收）
- 黑咖啡
(齋啡本來就係減肥恩物，不過飲太多小心皮膚差)
- 花茶
（花茶加小小果乾或者藥材沖，變成養生飲品）
