近排小編發現一間幾抵食嘅邊爐放題，就係觀塘嘅相馬日式火鍋。只要係觀塘B出口落去，行到馬會過馬路後左轉，一直行，見到電訊一代廣場（地下係大家樂）就到。
相馬日式火鍋係觀塘算罕有的任食又唔伏嘅放題，最抵食一定係星期一至五先有嘅午市45分鐘任食火鍋，最平45分鍾火鍋定食只係$58（加一），60分鐘就加多＄10，仲送野飲一罐，而晚市放題則低至$158。
湯底方面，午市有六款選擇，包括清湯，泡菜湯，甜鼓油湯，蕃茄湯，豚骨湯，中華辣湯等。湯底不過不失，不過火鍋配料相當多，自助吧上有多種類嘅火鍋配料，包括生菜，西蘭花，金菇，雞脾菇，蕃茄，豆腐，芋絲等，而丸仲有特別嘅沙律丸（個人覺得好正），蟹籽丸，有餡牛丸，芝士丸等，非食肉獸可以食丸都食到飽。
而牛肉種類包括美國進口牛肉、特級美國進口牛肉、澳洲和牛及日本和牛，如果揀午市放題（代表所有任食，定食就配料任食）嘅顧客仲可以任飲和任食milktop雪糕，性格比高，埋單都係舊幾。餐廳仲會供應豚肉和雞肉，適合唔食牛嘅朋友一齊聚餐。
地點 觀塘成業街10號電訊一代廣場一樓B2鋪 觀塘區
開放時間11am-11:30pm
電話2111-0591
