各位果粉注意啦，Apple Pay最近又推出最新服務 Apple Card啦！全新Apple信用卡即將登場！ Apple Card嘅外表同設計源用翻一直以黎嘅簡約風，包裝盒只係普通簡潔嘅純白色，印有蘋果logo。
而裏頭嘅Apple Card，大小同一般信用卡一樣，用鈦合金質料製作，點整都唔會爛。而卡上只有四樣嘢，就係蘋果logo，發卡機構、持卡人名字同晶片，真係簡潔到搵多樣多餘資料都無，用家都唔洗擔心會比人盜用信用卡啦！
Apple Card仲可以享有唔少獨家優惠，例如免年費、跨國費用同超額費用，用Apple Pay付款仲有2%無上限現金回贈，買Apple產品就有3%現金回贈，就連普通簽帳都有1%回贈，消費越多回贈越高！
至於啟動Apple Card亦非常簡單，只要將iPhone放到Apple Card上就成功啟動，而且仲可以將Apple Card加入Apple Wallet用，就算無帶實體卡都無有怕啦！
