McCafé為咗慶祝二十週年，再次推出驚喜新品！繼人氣芝士奶蓋系列大賣後，今次強勢加推三款全新口味，包括 全新芝士奶蓋葡萄，芝士奶蓋菠蘿同芝士奶蓋沖繩黑糖珍珠茶，比晒機會大家試伏！
由8月29日起，全新「芝士奶蓋葡萄」、「芝士奶蓋菠蘿」，及「芝士奶蓋沖繩黑糖珍珠茶」將係 McCafé有售。
芝士奶蓋葡萄：酸甜清新嘅葡萄果肉，搭配濃厚香滑嘅芝士奶蓋，飲完唔會有濟口嘅感覺，反而非常消暑。但整體較甜，怕甜嘅朋友可以嗌少甜！
芝士奶蓋菠蘿：以菲律賓菠蘿做賣點嘅菠蘿果肉，配合芝士奶蓋，極具夏日風味！
芝士奶蓋沖繩黑糖珍珠茶：以甘甜四季春做茶底，加埋黑糖糖漿同珍珠，飲前呷一口芝士奶蓋，口感非常豐富，仲夠哂邪惡！
其他優惠：
於8月29日至8 月30 日只需憑麥當勞®App內的換領券即可免費試飲「芝士奶蓋葡萄」、「芝士奶蓋菠蘿」或「芝士奶蓋沖繩黑糖珍珠茶」大杯裝一杯*。
9月2日起，逢星期一下午三時後，憑麥當勞®App優惠劵購買大杯裝芝士奶蓋系列飲品即享「芝士奶蓋系列」買1送1 優惠^，選擇包括全線芝士奶蓋系列及上述三款新口味，優惠時段更延長至下午6時後可繼續使用。
推廣期內購買任何McCafé飲品均可加$4加配黑糖味珍珠。
