作為一個成日打錯字嘅三流小編,最驚就係連覆客人Email都打錯字,到時真係柒到上月球。但無理由封封Email拎望幾十次,畢竟平時都夠多嘢做,邊有時間grammar check!所以偉大嘅Gmail由8月20宣佈引入全新的英文拼寫和文法糾正功能,以後就唔驚犯埋啲低級錯誤啦!
Google今次更新,加入了全新、自動的英文串字同文法糾正功能,全部用AI支援,自動幫你改錯字,而且仲增加咗「邊打邊改」嘅自動校正功能,唔洗下下手動咁麻煩。除此之外,Gmail仲會自己比文法建議,如果文法錯咗會自動修正,同underline已修正部份,等你知道自己錯咩,唔係就好似林鄭咁犯重複錯誤㗎啦!
而文法錯誤會以波浪形藍線underline,串錯單詞就有紅線underline。對於每日回覆大量Email嘅人黎講,呢項功能簡直係救星,可以快速智能咁避免文法上嘅錯誤。。功能已經係2019年8月20日起開始比用家使用,大家可以試下提高工作效率!