唔少人都鍾意日日飲杯咖啡，貪佢提神又低卡，一日一杯仲有助促進新陳代謝，好處數之不盡。不過飲咖啡其實都要配合天時地利人和，唔係就好易有反效果！一齊嚟睇下幾點飲係最好啦！
應唔應該飲咖啡，同體內嘅皮質醇（又稱為壓力荷爾蒙）有密切關係。當身體有高水平的皮質醇時，會令頭腦更清醒，反之缺少皮質醇就更有睡意。
所以，當係身體皮質醇高嘅時間（即係最精神嘅時候）飲咖啡，會阻礙咖啡發揮提神作用，仲會令身體抵抗咖啡。
- 8am-9am
- 12pm-1pm
- 5.30pm-6.30pm
而係皮質醇低的時候喝咖啡，就有利腦部活動，例如強化記憶力同學習能力、保持飯後清醒。係以下時段最適宜喝咖啡而唔影響睡眠：
- 10am-11am
- 1pm-3pm
不過都要緊記，最好唔好落太多糖同奶，呢兩樣嘢唔單止會促成肥胖，仲有機會令血糖升高而變得更有睡意，影響工作效率，可以嘅話飲齋啡就最好啦！
