做得freelancer除咗捱得窮之外，仲要有相當高嘅自律性，係身邊咁多誘惑之下，要有效率做嘢，少不免依靠下App幫手。今日就介紹幾個方便又好用嘅時間管理App，令你嘅工作效率大大增加！
1.Todoist
Todoist 介面簡單，初用者非常容易上手。佢嘅主要功能就係俾你紀錄低所有要完成或將要辦嘅事項，全部完成後App仲會通知你任務完成，貼心咁鼓勵你好好休息！另外仲有快捷功能，例如寫下「每週五9點半開會 #工作」，就會將工作加入工作資料夾中，到時到候就會提醒你開會，非常貼心又方便。
Fabulous
好好分配自己時間，做到work life balance係大部分人一直追求嘅生活。Fabulous就如果手機嘅人生導師一樣，教你係三十日內完成目標，過健康條理嘅生活，專注生活嘅每一個部分，令你慢慢改變原先不足嘅生活習慣。
iOS載點、Android載點
3. Loop 習以為常
要養成良好生活習慣，用Loop 黎管住自己就一流。你可以利用Loop 紀錄自己嘅目標同行動，每日堅持完成設定好嘅目標，一星期後就睇到自己呢一周花咗幾多努力做要做嘅事。
