一直深受果粉愛戴嘅iPhone SE，預測會係明年年初出第二代啦！蘋果著名分析師郭明錤，過去亦多次燈中Apple推出嘅新產品，今次終於燈果粉熱捧嘅iPhone SE， 有傳將會係2020年初推出，令唔少se忠粉都相當期待啊！
根據外媒報導郭明錤指出，iPhone SE 2好有機會係2020年初推出，仲能夠擁有iPhone 11嘅 A13 Bionic 處理器，另配3GB LPDDR4X RAM，內部設備變成最新，而外型設計將會依照舊款，參照iPhone 8嘅4.7 吋屏幕，同時保留埋Home鍵同Touch ID，討厭用face id嘅果粉終於可以用翻Touch ID，而且成本較其他新型號機低，相信定價都唔會太高。
分析又指，iPhone SE 2預計達3千至 4千萬台出貨量，iPhone 6同iPhone 6 Plus用家已經無辦法更新最新嘅ios系統，相信會成為今次iphone se2嘅主要客群。
