人人都有一個「創業夢」，唔洗好似打工仔咁朝九晚六，又要隨時聽老細order做嘢。不過創業成功嘅例子並唔多，唔少人都未完全掌握到經營訣竅就創業，結果跌個焦頭爛額。想成功創業嘅你，記住以下4個貼士，先可以越戰越強！
做自己擅長／有興趣嘅事
唔少人創業都會揀當下最熱門嘅市場黎做，例如開網紅珍珠奶茶店，梳乎蛋咖啡店等，未必係自己擅長或有興趣嘅行業，就好難經營出比其他人更勝一籌嘅地方。而且要長期經營一間店，無論係入貨，宣傳，會計方面都要落相當大苦功，對住無興趣嘅行業相對上較難堅持經營落去。
從消費者角度着想
除咗自己興趣外，要識從消費者角度思考，先可以有效知道佢地嘅需求，吸納正確客群幫襯。先審視自己店有無過人之處，點揀人地會揀你，點樣透過社交網絡進行針對性宣傳，認清自己嘅客群，呢幾樣嘢通通係創業嘅成敗關鍵。
專心做單一市場
唔少經營失敗嘅店舖，其中一個原因就係市場定位差，想同時做幾樣生意，以為可以吸納所有客群，結果樣樣都做得唔完美。一開始創業先選定目標，將目標做到上軌道先好發展其他行業，否則容易兼顧唔黎，更令大眾對你嘅品牌感到模糊，難以建立消費信心。
