現時香港KOL數量非常多，唔少人都寄望自己可以透過拍片為自己經營名氣，從而獲得成名機會。不過要上位當然要用啲手段，否則就算比你撞手神紅得快，無特別經營技巧亦難以維持人氣。一齊記住以下三招經營技巧，成為一個經得起風浪嘅kol！
建立個人特色
要人認得你，首先要建立與眾不同嘅形象。思考清楚自己想走嘅路線（幽默/專業/古怪），參考同類kol平時會做咩建立相對形象（談吐舉止/說話手勢/衣着打扮/標準開場白），再計劃一下自己希望建立嘅獨立形象，嘗試突顯自己獨特一面。
定期更新頻道/社交網站
唔少網紅人氣下跌，都係源於突然潛水或減少更新近況，令觀眾好快比其它kol吸引而慢慢遺忘你。要知道歡眾可以選擇嘅娛樂非常多，要儲一班忠實觀眾，一定要比觀眾知你一直會定期保持更新，令人久而久知養成習慣去留意你。
做事前三思
要成為kol，對公眾嘅所有說話同行為都要負責任。否則爆出負面新聞或黑歷史，就好容易係kol界一鋪清袋，難以翻身。所以做kol之前清算下自己先，望下社交網站有無咩陳年黑歷史公開，有就處理下，否則呢堆黑歷史往往會成為未來嘅核彈，一發不可收拾。
