唔少新手freelance都鍾意資料輸入員黎做，貪佢簡單易做，又可以係屋企遙距工作，即使無咩特別技能都可以做到。不過亦有騙徒睇準機會，利用資料輸入員工作，聲稱打字已經可以賺大錢黎呃人，大家接job前一定要注意以下三件事呀！
工作範疇
資料輸入崗位都有分幾種，包括資料處理員、打字員、文字處理員、 翻譯員 等等。通常接job前先了解清楚公司負責嘅範疇，以及你要整理嘅資料，假如係要偽造資料（例「淘寶打手」） 嘅話，有機會觸犯法例。
工作條件
有騙徒以資料輸入可以輕鬆賺錢作啅頭，吸引一班無特別技能又想搵快錢嘅人。通常騙徒先會誇大薪酬，再呃你中介費，令你不知不覺跌入陷阱。
收費標準
過高或過低嘅薪酬盡量考慮清楚先接，通常收費以資料輸入數量或工作時間作標準，以工作量計算通常一口價傾好薪酬先做，以工作時間作計算的話，預翻時薪大概HKD45-75蚊。
