single image

每一份好job對於自己友黎講,就好似遇到一個肯陪你食老麥既女朋友一樣咁難。所以一旦遇到同你夾到既客,真係用盡渾身解數都會想留住佢。但其實要有回頭客,只要係平時工作習慣時加啲小功夫,就可以令客人對你大大加分!

永遠問多句:有咩需要隨時搵我

有時企喺客人既角度,最怕就係freelancer一交完job就玩失蹤,想再搵返佢就完全無影,唔單止比人感覺無責任感,仲令人對你無哂信心。所以完job加句「有咩需要隨時搵我」,即時比人感覺好安心,知道你就算完左job都會隨時跟進返自己做既野。

Deadline前起貨

做生意最怕就係過左deadline都收唔到貨,因為一個仆乖仔遲交貨,係可以影響成條team既工作效率。如果真係搞唔掂,都應該早幾日就同個客講聲,戴返個頭盔先,等人有個心理準備呀嘛!

有禮貌

唔好睇少呢樣看似無所謂既野,查實你做人態度同俾客印象都有好大關係㗎!講真,客人係freelance界都有好多選擇,實力近似既人多不勝數。但你係客都想搵個有禮貌易溝通既明理人,多過無禮貌既mk妹啦。所以同客溝通記得注意呢點!

養成呢三個好習慣,留住回頭客話咁易啦!

 

呢啲你都可能啱睇!

single image
再生銹既刀都有鋒利嘅一日

【配色指南】4個日系實用配色網站推介!日本自然風景基調人人都啱睇

日系配色用喺各種設計上真係有種說不出嘅舒服美感,零違和感之餘人人都覺得好睇,以下4個來自日本嘅配色網站就幫你揀到心水日系色調! 1. PHOTOSHOPVIP 本身係個分享設計資訊嘅網站,曾經整理咗各種日本47個都道府縣靚景嘅配色方案,對於一啲想用和風大自然色調放落設計最啱! ...
single image
再生銹既刀都有鋒利嘅一日 搞掂檔

【自己友搵工】Google招募新政策 薪酬講價要有證明!

自己友重投求職市場嘅最後階段,必然係談論薪酬待遇,好多人講價都會拋下話另一offer提出嘅人工高啲去講價。但呢招未必再奏效了,事關科技巨頭Google近日話要俾到證明先有得傾! 外國雜誌《Business Insider》報道國際科技巨頭Google近日有項新招募政策,就係求職者如果想以「另一工作機會薪酬更優渥」而要求Google提高招聘薪金,就必須提供相關文件或截圖證明,證明佢地真係有offer,先有得討論新嘅薪酬方案。 ...
single image
唔睇無話題 搞掂檔 每月焦點

文字工作者、Content writer作品集Template 3個高質網站幫你整靚Portfolio

做freelancer最緊要有個靚仔Portfolio,咁樣先會令到你更加突出,增加搵到工作嘅機會!唔單止設計、圖片方面嘅工作者要整個protfo,就連content writer 嘅自己友都一定要整個靚靚嘅個人作品集!如果之前冇整過嘅都唔緊要,以下為大家介紹三個網站,輕鬆就可以整到protfilo! ...
single image
再生銹既刀都有鋒利嘅一日 唔睇無話題

【Instagram】IG將強制用戶提供生日保障未成年人 講明用AI捉人虛報年齡!

「老嘢先用Facebook」咁經典嘅說話係出自現代香港中學生,可見依家越嚟越來後生仔女傾向轉玩IG,仲要幾細個有幾細個。不過網絡呢個虛擬世界又真係要時刻保持警覺!就好似Instagram官方近日宣佈,為咗保障未成年用戶嘅私隱同安全,同埋加強「個人化體驗」,將會強制用戶提供佢哋生日資訊。 IG官方話幾年前已開始要求開設帳戶時填寫生日資訊,今次改動咗更會不時彈出通知提佢哋填生日。如果用戶接觸到一啲比較敏感嘅內容,IG本身會隱藏咗佢等用戶撳咗確定先顯示;但改動後會要求用戶一定要填咗生日,確認夠稱先睇到。 後生啲嘅朋友可能話:「唓,填假日子咪得囉」,少年你確實太年輕,IG一早諗到啦,仲講到明會用AI喺啲生日post偵測用戶真實年紀,然後要求佢哋再認證。 ...
Load More