對於網店創業新手，決定網店以咩為經營目標，點樣吸引新客留意，網店應該賣咩，仲有設計同網店宣傳，通通都係一門學問！究竟新手經營網店有咩攻略呢，一切同我記住以下幾個要點！
認清客群
決定網店賣嘅商品前，先認清同界定你嘅主要客戶群，收集資料發掘特定顧客的嘅喜好，再利用合適網店宣傳策略，令客人開始留意你嘅網店。客戶群範圍切勿太散，應集中指定年齡，性別或興趣等層面，並集中火力取得關注。
熟悉商品
網店最好賣自己熟悉嘅商品，只有你先能夠瞭解商品嘅優點同缺點，亦清楚市場上有幾大需求。
藍海商品
競爭對手少，獨一無二嘅藍海商品永遠係新店冒起嘅關鍵！係網購市場上尋找尚未飽和嘅商品，一啲都唔容易。如果真係諗唔到，可以嘗試手作商品，只有獨一無二嘅賣點，先可以係芸芸商品中突圍而出。
穩定貨源
確保貨源穩定，維持穩定的庫存量係新手開店必須注意嘅地方！網店創業初期應避免季節性商品，免得出現壓貨／斷貨情況，影響收入。
