近期港九十八區，幾乎每個地方都充滿催淚彈嘅氣味，催淚彈燃燒後得出化合物二噁英，呢種二噁英會係人體長存 3–25 年，對人體健康，環境等都影響深遠，甚至已經有前線同記者引發氯痤瘡，坊間亦指氯痤瘡係不治之症，市民可以做嘅，只有嘗試從食療方面入手，將體內二噁英排出。
二噁英係持久性環境污染物 ，正常情況下90％ 以上人類攝取到的二噁英來源是肉類、奶製品、魚和貝類的食物。而過量嘅二噁英會誘導淋巴細胞死亡，引起免疫系統調節障礙。誘發基因突變致畸胎以及致癌等，影響嘅分分鍾係幾代人。
有研究顯示 ，小球藻 (Chlorella) 係其中一種能夠效移除體內二噁英嘅食品，不過當時研究或有利益輸送之嫌，為小球藻補充劑宣傳，所以可信度未必係100％。
亦有指飲茶能夠有效抑制二噁英，黑茶同紅茶嘅茶黃素 (theaflavin) 可以抑制二噁英嘅毒性，兒茶素 (catechin) 可以有效保護胰臟 免受二噁英的急性毒性。同時2004 年有日本小型研究指， 9 個測試者服用降膽固醇藥 colestimide 六個月後，血液二噁英含量平均下跌 20%。
另外使用任何補充劑記得問過醫生先，根據個人體質再對症下藥！
