無論設計又好，平時着衫配搭又好，好似我呢種對顏色完全唔敏感嘅人，經常為配色苦惱。無論點配都有一種老土，無個人風格嘅感覺。直到最近遇到配色網，簡直係自己友嘅終極救星，就算手殘都可以配到完美色調！
Color Hunt 嘅功能只有一個，就係配色圖鑒。只要一直向下滑，四種顏色為一組搭配嘅各種配色絕對可以比到靈感你。而且網站仲設有熱門度排行，你可以了解當下最人氣嘅配色係咩，從而應用係自己嘅工作上，非常方便！
同類型配色網：LOL Colors
日本傳統色蒐集
呢個網除咗列出充滿日本風情嘅配色外，仲提供多個日本色號傳統名稱，如「薄紅」、「櫻」、「今樣」等，拎嚟做參考加入自己嘅商品名稱，即時充滿詩情畫意，增加高級感。
Adobe Kuler 最大賣點係可以「用一個顏色找出一組顏色的搭配」，從 Kuler 網頁中間五個顏色中，以中間為「基色」，只要調整基色，兩邊嘅對應顏色都會因應基色自己做出配搭，非常方便實用。
