你幾耐無下廚煮早餐?原因離離去去都係嫌麻煩,屋企無材料等等,學月娥子話齋:「全部都係廢話」只要你屋企有呢三樣材料,就可以用一分鐘做好健康又勁好味嘅營養早餐!一齊嚟睇下食譜啦!
燕麥香蕉Pancake
(一人分量)材料:
老母食淨燕麥片:半碗
就嚟熟到爛嘅香蕉:一條
同何已完一樣嘅龜蛋:1隻
(附加:可自行加朱古力粒/藍莓適量,不加亦可)
步驟:
- 將香蕉當popo碌蕉咁碾到蓉蓉爛爛慘絕人寰,放碗備用。
- 將燕麥片同何已完粒蛋,講錯,係蛋散過何已完嘅嗰粒龜蛋撈落香蕉度,毫無技巧咁撈佢老未,直到龜蛋變成蛋散,糊成一堆即可。(可以隨心加埋朱古力粒,不加亦可)
- 拎出最強武器平底鑊 (留意附近有否popo監視,免得被指藏攻擊性武器入罪以致無法完成早點),將油過光頭劉頭頂嘅橄欖油落鑊,再將混合物逐匙加入平底鑊,形成手掌心大嘅圓型即可,中火煎佢老末兩面,一分鐘後食得。
係咪好簡單呢,下面有埋佢教學,就算好似光頭劉呢啲連excel都唔識嘅低智人士,一樣可以輕鬆上手,一齊試下整啦!
(小編真係整過,堅好食,加埋朱古力粒更爽)
只供參考影片: