離2020年仲淨翻一個月左右，大家準備好迎接新一年未？為咗可以提早規劃定下一年嘅目標，係2019年未完結前，先準備定一系列唔同類型行事曆，而家開始重新養成規劃習慣，着手改變慵懶人生啦！
五種必印行事曆 － 分配時間好幫手：
呢個筆記範本每日一頁，結合番茄鍾工作法，將重點聚焦係時間安排上，可以網上操作，亦可以列印出黎每日安排項目，養成規劃好習慣！
想徹底改變自己壞習慣，一定要先從生活習慣入手，由日常做起逐漸改變不良陋習。
列印「每日精力熱點圖」，根據自己的精力熱點時間安排適合衝刺工作嘅時段，做起事上嚟自然事半功倍！
隨身攜帶八頁小書筆記
想隨時隨地記錄同管理時間，列印隨身攜帶八頁小書筆記就最方便不過！列印出黎之後可以摺疊到錢包咁小巧方便隨身攜帶記錄行程。
有人習慣將每月、每周、每日都分別記底待辦清單規劃，「Passion Planner筆記本」可以一次滿足你三個願望，從每月、每周到每日都唔同層次筆記範本提供，仲要免費。規劃控一定要試！
筆記可以比你隨時記當下諗到嘅嘢，唔同人需要唔同嘅筆記頁面，例如方格筆記、點狀筆記，樂譜筆記等。「Gridzzly 」提供各款方格紙筆記線上 DIY 方便你自製筆記本後免費列印，你個可以自訂書寫格大小、間格等等細節，非常方便。
