自己友平時最大嘅難題,就係自己工作真係超級容易分心,有時手痕拎起手機就無咗半日。要進入極度專注模式,擺脫低生產力、先可以高效率完成工作。但係人無可能全日都高度專注,運用有限意志力同精力專注係重要同有意義嘅工作上先係唯一出路。只要好好運用以下3個方法,專注度可以比平常提升90%!
每天只做 3 件事
運用「3 重點法則」,先選定目標,再集中注意力就呢 3 項目標進發,逼迫自己要係今日之內做好呢三件事,同時將專注力運用係最重要嘅事情上,可以大大減低分心而導致無法完成工作嘅機會。
減少外在干擾
科技雖然有助提升效率,但亦係令人分心嘅元兇!要延長專注時間。進行重要任務時畫量將手機調成「勿擾模式」,避免被App 通知或來電中斷注意力。最好方法一定係將手機放係手無法觸及嘅地方,確保可以專心完成工作。
定期休息恢復專注
注意力會隨精力消耗下降,定期比自己休息先可以持續專注,例如可以每工作 90 分鐘就休息 30 分鐘,聽下歌放鬆下之後再工作,先可以有效恢復精力同專注力。