踏入十二月，又係煩買咩禮物嘅日子，尤其要揀啲唔會令人倒抽一口涼氣嘅禮物，確實係唔容易。尤其係收唔實用禮物會燥底嘅女漢子，實用又美觀嘅禮物先會令佢地開心。所以小編決定比少少實用建議比大家，究竟送咩禮物穩陣又得體！
食物
講咩都假，食落肚就最實際。當然唔係去超市掃兩包熱浪咁求其，講得禮物一定係佢想食好耐，自己又一直唔捨得買嘅嘢，例如名牌朱古力，特別口味手信等。又可以食又唔洗塞住係屋企，簡直係爽呀！
美容儀/洗面機
平平地送部瘦面機或者洗面機，基本上都一定用得着，亦好少會撞版用唔到，諗唔到送咩揀佢就得！
大地色眼影
想快靚正從化妝品入手嘅話，揀一盒大地色眼影一定無錯，任何時候，任何類型嘅女人都一定用到呢隻色，而且消耗極快，就算收到一盒做後備都一樣好驚喜。
現金券
作為一個朋友嘅禮物，收到現金券都幾開心，唔浪費屋企空間又用得着，可以話係最實用嘅禮物。（但千其唔好送比女朋友）
飾品
有眼光嘅你，揀啲小型飾品基本上實無死，例如戒指，手鏈，水晶呢啲，人人都肯戴，又唔會塞住屋企啲位，都算係保守又實用嘅禮物。（避免耳環（如唔清楚對方有無耳洞）同頭飾，較難配搭）
