上回講到女性朋友收咩禮物,今次就講下男士收咩禮物最開心。雖然大部分男人都唔太執着收到咩禮物,不過如果送係手又用得着,都未嘗唔係一種驚喜。
鬍刨/剃鬍刀
任何男人屋企把剃鬍刀,都會有磨蝕嘅一日。一磨蝕就好易剃損嘴,所以基本上價位高少少嘅剃鬍刀點都用得着。
Ps4 ps plus 12個月會藉
有玩開ps4嘅話,送會藉簡直係福音,基本上玩開嘅人一定要keep住買會藉方便連線打機,所以送會藉卡係實用驚喜之選。
散銀包
唔少男仔銀包都以迷你方便為主,所以都唔會有散子包夾層,搞到成個褲袋,書包底呀都充滿零零碎碎嘅散銀,所以送散銀包絕對係便宜又實用嘅禮物之一。
飛機杯
每個單身男人都渴望要一個「專屬女朋友」,嘅然未搵到,買個百幾二百蚊嘅「女朋友」做禮物絕對會令佢打從心底狂喜。(適合抽獎/同性禮物)
機械鍵盤連滑鼠
打機一定要有良好配套先打得爽快,機械鍵盤一定係機迷首選,一邊打一邊享受充滿回彈力嘅鍵盤,配上「撻撻撻」環迴立體聲嘅按鍵快感,絕對無人可以抵擋呢份大禮。