唔睇無話題 黃店有話兒

黃店有話兒(一):Return Coffee 362

single image

為幫助建立黃色經濟圈,我地手停口停工作室將會深入採訪各類型黃店,包括飲食,零售,服務業等,務求大家可以深入了解每間黃店背後嘅故事同理念。今次就揀咗荃灣一間「黃到發金」嘅良心小店-Return Coffee 362 ,分享呢間黃店背後嘅故事。

Return Coffee 362

呢間位於荃灣沙咀道嘅小型CAFE,上至老闆娘下至員工都同聲同氣,黃到發金,一直令唔少手足慕名而嚟,支持下呢間良心撐港人小店。

老闆都知自己有幸上咗「黃店名單」,被問及「知唔知點解被定為黃店?」,老闆就話「應該係因為6 月開始已經有撐罷工、遊行、表態、義賣等等。 其實都無咩特別,就好似我係曼聯球迷,就算佢近年成績好差,我依然會話俾人知我撐曼聯㗎。」打從心底撐港人嘅佢,從來都唔將自己嘅義舉當一回事,反而覺得係公民責任,其傲骨確實令人敬佩。

被問到「有咩想同香港人講分享」,老闆用飲咖啡比喻現今嘅政治環境:「即係等於有人鍾意飲咖啡、有人鍾意飲奶茶咁樣; 但係你唔會去迫唔飲咖啡嘅人一定要飲咖啡㗎嘛,或者話唔飲咖啡嘅人係攪分化,唔分作,跟住再搵人暴力咁捉佢地番唻,同佢講唔可以唔飲咖啡,一定要飲咁樣㗎。 最慘係政府再同你講呢個做法無問題,係應該人人都只係飲咖啡先啱。

「黃唔黃店對我地嚟講只係一個立場上嘅區分;從來喺我嘅眼中,其實有唔同立場並唔係啲咩問題。  所以立場其實唔係我哋最介意嘅嘢,反而呢個扭曲左嘅核心思想先係我地最反感嘅地方; 因為我地由細到大所受嘅教育同而家個社會狀況有好大嘅落差。

除咗係人力物力幫助同路人,響應罷力,派發文宣外,老闆亦非常注重本身食物嘅質素,以精品咖啡作招牌產品,早已吸引一班忠實食客光顧。

「我地主要都係賣精品咖啡同一般咖啡店常見嘅熱食,如三文治、包類,All Day Breakfast, Pasta 等等; 價錢由$20 to $140 不等。」

招牌產品:Return Black (良知);Hand Drip Coffee; All Day Breakfast

老闆亦講明唔會用立場嚟維繫生意:「當然作為咖啡店嘅我哋,唔可以只靠立場去維繫我地嘅生意,因為立場只係吸引同路人過嚟嘅第一步,我哋仍然要保持都高水平嘅品質同出品先可以繼續維繫我哋嘅生意! 所以黃店只係同路人嘅聚腳點,唔一定係消費點!」

地址:荃灣沙咀道362號全發商業大廈地下

電話:6309 6362

開放時間:

星期一至六 : 08:00 – 17:00

星期日: 09:00am-17:00pm

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More