唔睇無話題 黃店有話兒

黃店有話兒(三):Trésorerie 寶物屋

single image

早前旺角成為二噁英重災區,每一寸地都實實在在刻畫住抗爭痕跡,幾乎每個手足都發夢去過旺角太子發聲,相信旺角嘅商戶對今次運動亦相當有感。今次受訪黃店,正正位於旺角人流最密集嘅時尚天堂-新之城。Trésorerie 寶物屋由一個年輕貌美嘅女店主一手包辦,專賣復古時尚女裝同飾品,邊個都估唔到望落弱不襟風嘅店主,竟多次鼓起勇氣同港人一同發夢。

知唔知自己被列入黃店?「有見過之前好大個個藍黃店有自己, 因為有幫襯開黃店 ,所以會留意相關資料」店主一直身體力行撐黃店,更一直響應罷工活動「最早6月就開始參與罷工活動, 最近期罷工活動亦有參與 ,11月11-15日連續5日 ,期中會係story post文宣 。」

除咗響應罷工同散發文宣外,店主亦坦言「自己發過幾次夢」,可惜「始終商場舖 ,所以無法派水, 收留義士, 商場會落閘」為此佢亦感到非常無力,只好盡最大努力支持港人。

最初店主其實同好多港人一樣,唔關心政治,佢亦都認曾經係「港豬」一分子:「 對香港既政治無咩了解 ,但因為身邊人係深黃,一齊發過幾次夢後改變咗我」,後來嘅佢亦變成深黃,由「港豬」變「連豬」,「會用店身分正式表態 ,係ig分享過發夢感受,希望可以呼籲香港人快d醒覺

表態後嘅佢經常罷工支持港人,亦唔怕得罪「藍絲舊客」,雖然店舖生意每況愈下,網店粉絲都跌咗,不過佢亦坦言無後悔過表態:「 都會有執笠危機 ,眼見成個商場執左好多舖 ,都會擔心自己係下一間。 不過我無後悔 ,因為只要係有良知既人都想出一分力。

眼見香港發生緊咁多悲慘而令人憤怒既事 ,被自殺既 ,爆眼既 ,喪生既 ,被性侵既 ,被打既 ,被開槍既 ,被車撞既 ,每一單都無忘記到 !

店主亦堅信香港人一定可以撐到最後,完成「煲底之約」,「除左懲罰飲食業外 ,仲有好多其他行業好需要大家懲罰 !大家千萬唔好放棄 ,香港人既心都係連在一起!黎場風暴大雨係持續得有點耐 但暴風雨總會停 !我地一定會贏!!!

 

Trésorerie 寶物屋主要產品:

vintage時裝 ;包包 ;飾物; 帽 ;鞋

價位:冬季衫大概2xx-1xxx

招牌產品:碎花裙; 高腰褲 ;復古飾物

地址:旺角新之城3樓330舖 

星期一至六: 1400-2230 

星期日:1400-2030

Facebook

IG

呢啲你都可能啱睇!

single image
再生銹既刀都有鋒利嘅一日 唔睇無話題 搞掂檔

【限時免費APP】Background Eraser全自動退地幾秒搞掂 一粒制都唔使撳

市面上的APP五花八門,設計APP就更多。做開Design嘅自己友都知道,我哋經常要將客户嘅產品退地,再將放落個Design到。如果手上咁啱無電腦用唔到PS,又想加快做嘢嘅效率,點算好?依家用手機App都做到退地效果,Background Eraser – ...
single image
一字咁錢

接freelance成日俾人拖數?試吓呢幾招!

相信唔少freelancer都遇過一日富貴,一日窮嘅生活,點解會咁?唔係我哋懶呀,係客户拖糧呀!無論做咩行業嘅freelance,大部分客户都要求先睇成品,再俾錢,但並唔喺個個客户都願意一手交錢一手交貨,好多時候份糧都喺一拖再拖先到freelancer手,唔想再俾人拖數?試下呢幾招啦! 先俾錢後交貨 自由工作者喺接jobs時,除咗要傾掂價錢之外,其實都可以試吓要求先俾錢後交貨嫁,好似寫網頁,寫程式呢類freelance就可以先比客户睇成品,當客户滿意並付款後,再將程式碼交俾客户,客戶既收到成品,freelancer又收到糧,雙贏! ...
Load More