唔睇無話題 黃店有話兒

黃店有話兒(四):Muse.Studio美甲室

single image

平時有美甲習慣嘅朋友,會唔會都想揀黃店幫你整甲,順便同甲師同聲同氣鬧黑警。不過真係好難搵到平靚正,又勇於表態嘅黃店。非常巧合地,我比呢間每日堅持發佈文宣嘅美甲店Muse.Studio吸引到注意力,決定埋手向店主打探下,究竟係咩令佢堅持日日發佈文宣,又不惜逆市罷工呢?

「知唔知自己點解上咗黃店LIST?」被通知自己上咗名單,一向低調嘅店主非常訝異「應該係罷工同捐錢?」似乎估唔到自己經營嘅小店都有人留意。店主一直有響應罷工,出錢出力,又利用自己店嘅知名度,每日係IG STORY發佈文宣,務求更多人留意到事件嘅最新發展。

「有錢出錢, 冇錢出力 。我捐到就捐 ,罷到就罷 ,出到就出 。冇po係覺得唔洗比人知自己做過咩 ,自己良心過到就夠」低調一直係店主嘅做人理念,唔係下下都要周圍同人講做咗幾多,只要自己過到良心,默默付出先對得住自己。

「初表態之前都冇唸過政治野會同經濟有掛勾 ,係直到831開始, 自己望住一個個手足咁樣犧牲 ,自己真係唔能夠亦接受唔到自己接藍客或者警嫂 。我怕到時傾計聽到我會劈炮唔撈,所以先開始表態。 」有錢唔係大晒,對於藍客同警嫂,店主都希望佢地可以過主,亦無諗過之後會出現黃色經濟圈,當時就算失去藍客都堅持罷工捐錢,盡最大能力幫助手足。

 

「雖然覺得自己咁小薯罷工都幫唔到啲咩手, 但多一間就真係多一間, 出去發夢多一個都真係多一個。」店主認為就算自己幫到嘅範圍再少,都一定要參與,「差你一個都差好多」,只要大家團結一致,你嘅參與絕對係事情成敗嘅關鍵,千其唔好睇小自己。「我淨係想講唔好唔記得手足 ,我地總會有日煲底見。」

Muse.Studio美甲室

服務:Gel甲,Facial
價位:200-300
以往圖例:

營 業 時 間:
Mon-Fri 11:30-8:30; Sat 10:30-6:30
地址:
觀 塘 開 源 道
·聯絡電話:+852 9542 5047(https://bit.ly/36OTZwV

IG: @muse.studio__

呢啲你都可能啱睇!

single image
再生銹既刀都有鋒利嘅一日 唔睇無話題

日本免費圖庫PAKUTASO 一萬張素材免費下載可商用!

唔知平時自己友去開邊度搵素材呢?雖然國外有唔少免費高清圖庫比大家用,不過通常圖佢充滿西方色彩,如果想搵一啲充滿亞洲風味嘅東方圖片,又應該係邊度搵呢?今日就介紹一個日本免費圖庫素材網站-PAKUTASO比大家,裏面有超過一萬張素材,絕對係設計師嘅素材天堂! PAKUTASO 係一款日本免費圖庫網站,收錄超過 ...
single image
醫飽個肚 體能錢能轉換器

3分鐘就識:防感冒湯水食譜

而家天氣忽冷忽熱,各位自己友有無因為溫差病左?小編就俾呢啲難以捉摸嘅天氣搞到成日感冒,連工作都無咩精神。所以今日向大家推介幾款滋潤湯水,防感冒之餘都可以強身健體,功效一流!  蟲草花淮山圓肉杞子雞腳湯 滋潤又補氣血既蟲草花淮山圓肉杞子雞腳湯,飲完成個人暖笠笠,預防感冒一流! ...
Load More