近日美國紐約大都會博物館,宣佈將公開網站上40多萬張圖片比大家免費下載,而且講明可以用於商業目的,唔需要經大都會博物館許可,各位設計自己友有福了!
至於要點拎圖片呢?使用方法勁簡單,只要去大都會博物館下載區,就就可以免費下載高清藝術品圖像,可以用係任何地方,唔洗擔心任何版權問題。
只要前往大都會博物館網站,直接係搜尋列輸入藝術家或作品名字,就會出現相關照片。裏面會包括作品介紹,直接按畫作下方下載按鈕就可以!作品種類非常多,包括知名畫家莫內、畢卡索、梵谷等西方神作,亦有諸如韓幹、葛飾北齋嘅東方畫作。
輸入物品或實物名稱,亦會有攝影作品出現。