習慣左係屋企開工既自己友們，有無磅下自己重左幾斤呢？但一諗到要行到遠一遠去做運動，就真係無咩動力培養呢個習慣。所以唔少人都會訂返部平價又慳位既健身器材放係屋企，咁就再無藉口唔運動啦！
精選3件慳位健身工具
引體上升器
長期要用電腦既你，肩頸同腰骨都較一般人容易出現問題，例如腰痠背痛和駝背等。多啲做引體上升唔單止可以矯正脊椎位置，改善不良姿勢，重可以操埋上臂肌肉，就算係屋企都可以隨時訓練，搖身一變肌肉型男！
拉筋板
平時無拉開筋既自己友，一拉筋就痛到阿媽都唔認得，但其實筋骨對身體係有直接影響，筋骨過硬可能導致頸椎痛、腰背痛等問題。想改善筋骨又怕拉傷既朋友仔，不妨買翻個拉筋板，循序漸進改善筋縮問題。
瘦腰機
成日坐係度既自己友，個肚啲肉越黎越鬆點搞呀！唯一辦法就係做多啲腰部運動，先有望條曲線出翻黎。想瘦腰既朋友，不妨花三百幾蚊買返部瘦腰機，平時得閒就拎出黎練下，咁就唔怕煉成啤酒肚啦！
就算工作再忙，都係要做運動既，與其去gym room比人hard sell，倒不如買部返屋企一勞永逸，你話係咪呀哈姆太郎？
