而家十之有九既人，每日平均花三分一或更多既時間係螢幕上，普通食多啲蘿蔔呢啲日常保養已經追唔上我地傷眼既速度。而過去既護眼素時至今日已經越黎越多花款，究竟咩類型既護眼素先真正有效呢？
美國眼睛研究所National Eye Institute特別為導致失明的黃斑病變及白內障兩款最常見的眼疾，修訂左營養名單及份量。
葉黃素Lutein ＋玉米黃素Zeaxanthin
屬於胡蘿蔔素一種的葉黃素負責過濾電子產品及陽光中有害的藍光，可以話係直接影響眼睛受到既傷害。每日進食6-10毫克葉黃素為理想防止黃斑病變的份量，而羽衣甘藍同粟米都含有大量葉黃素。如果買護眼產品，記得睇清楚有無呢兩樣成份。
維他命C＋E
研究所指出每日只要有500毫克維他命C同400毫克維他命E份量，再配合葉黃素同鋅，就可以減慢黃斑病變惡化25%！之後有7個研究都確定左呢個份量既維他命C好難係食物上吸收足夠，所以建議已經證實患上初期黃斑病變人士進食補充劑。
礦物質鋅
礦物質鋅負責製造保護視網膜的黑色素。通常係高蛋白食物，例如肉類、海鮮、乾豆等搵到，每天進食25毫克的鋅，連同維他命C及E，就可以減少受失明率19%。但太多鋅會影響其他物質既吸收，食含有鋅既幾合一補充劑已經足夠。
藍莓素
藍莓素可以減低眼睛酸痛疲勞的感覺。一般使用者於進食25至50毫克藍莓素4小時後就會感覺到眼睛疲勞減少，這個舒緩感覺會持續約24小時。
大家買補充品之前，記得睇清楚包唔包含以上既元素，做個精明消費者！
