唔知平時自己友去開邊度搵素材呢？雖然國外有唔少免費高清圖庫比大家用，不過通常圖佢充滿西方色彩，如果想搵一啲充滿亞洲風味嘅東方圖片，又應該係邊度搵呢？今日就介紹一個日本免費圖庫素材網站－PAKUTASO比大家，裏面有超過一萬張素材，絕對係設計師嘅素材天堂！
PAKUTASO 係一款日本免費圖庫網站，收錄超過 10,000 張高清素材，相片分類包括人物、活動、天氣、自然風景、交通工具、工業、食物，街道建築、生活、IT、動植物等，使用者無需註冊帳號或比任何個人資料，就可以免費下載「普通畫質」或「超高清」相片！
重點係使用PAKUTASO 圖並無要求要標註原出處或連結回原頁面，唔少設計師可以任意使用裏面素材，相當方便！
開啟 PAKUTASO 網站後，你可以從首頁瀏覽相片素材，或從右側選單來開啟分類搜尋照片（可使用Google 翻譯看中文分類名稱）。
按下分類後，可以睇到大量相片預覽圖，每張相片會有簡單描述，按下大圖後往下拉，網站會提供同類型照片比你，等你可以有多個選擇！
而且PAKUTASO嘅相片全部都非常專業，無論角度定構圖都相當大師級，你可以係入面尋找日本各地拍攝嘅街景同城市相，亦有大量模特兒相，相當方便好用！
PAKUTASO亦無強迫付費或贊助才能使用，你可以自由選擇出唔出示翻相片連結，幫助PAKUTASO繼續營運！
