唔少網店店主都一手一腳自己搞宣傳，但可以掌握Photoshop技能嘅人絕對唔多。唔少人連簡單去背都搞好耐，就算專業設計師都要花30秒先可以完成一張白底去背圖。不過今日小編推介嘅工具，唔單只手殘都用到，而且5 秒已經可以完美去背?
呢個專業去背工具，就係日本嘅線上工具「ZenFotomatic」。去背係 ZenFotomatic 功能之一，同時仲可以自動調整圖片大小，設置邊距值，只需要3-5秒就可以完成一張白底去背圖。
而ZenFotomatic仲可以批量自動處理商品圖，用家只需要上傳照片即可，ZenFotomatic統一處理每張圖嘅尺寸同空白邊距，為用家大大提高了工作效率！
用家只需到網站註冊，輸入基本資料建立帳戶後就用得。你亦可以先睇30秒基礎教學，了解一下ZenFotomatic使用方法。入到去就可以直接上傳圖片，記得原圖拍攝最好用白色背景板，兼配備照明設備，確保邊界清晰，方便ZenFotomatic完美去背。
處理完嘅照片會變成白底同自動置中，保持商品圖統一性，之後可自由選擇加浮水印。不過ZenFotomatic只能免費下載10張圖片，想處理更多商品圖就要額外付費啦！
