武漢肺炎令全港人心惶惶,口罩同消毒酒精己經成為必須品,大部分人都開始自覺勤換口罩,加強洗手。不過咁多位都忽略咗一個感染高危地方-手機!從來都唔清潔手機嘅各位,知唔知手機面含菌量高過馬桶足足2.5倍?!
池袋大谷診所院長於日本電視節目《學懂前與後》曾提到手機係常見病毒感染源,因病毒熱愛黏附於光滑表面,好似手機螢幕呢類物品,病毒可以係上面存活足足24小時!
而最可怕嘅係,有測試指出手機含菌量極高,甚至比較馬桶更要高2.5倍!因此絕對唔可以輕視手機清潔。專家建議,只要每日可以用消毒紙巾清潔手機2次,就可以有效杜絕細菌,預防病毒感染。大家記得用完手機都避免摸面捽眼,以防病毒感染!