唔睇無話題

日日係屋企無娛樂?5部必睇netflix劇集一睇上癮!

single image

呢排肺炎肆虐,唔少人為慳口罩都避免出街,留係屋企苦中作樂。最慳錢又磨到時間嘅活動一定係煲劇。今日小編就推介幾套netflix高質劇集比大家,等各位可以係屋企都有娛樂。

 

《安眠書店》 

呢套被網友稱為神劇嘅人氣劇集,播出後口碑極好,目前已經準備緊第三季。故事圍繞住變態跟蹤狂男主角Joe ,用網路追蹤、窺視甚至不惜殺人,都要成為目標女生嘅「真命天子」,情節緊張得嚟帶少許黑色幽默,絕對追到停唔到!

《The Witcher》

 

自上年12月上架至今,已經有近7600萬收睇。由超級型男Henry Cavill飾演鬼怪獵人,造型同遊戲中嘅角色幾乎一樣。故事講述 Witcher同魔法師Yennefer及逃亡中嘅年輕公主Ciri,三入合作阻止末日預言發生。

《彼岸之嫁》

由影帝吳慷仁與金鐘視后黄姵嘉主演嘅《彼岸之嫁》,改編自小說《鬼新娘》,講述冥婚而起嘅陰陽兩界愛情,絕對係浪漫又驚悚嘅靈異劇。

《去X的世界末日》

 

《去X的世界末日》已經出到第二季,除咗有超高評分外,每集長度亦只有20-30分鐘,相信一至兩日已經可以睇晒一季。故事講述厭世嘅男主角同古怪女主角所經歷嘅亡命旅程,劇情充滿黑色幽默,絕對令人一追上癮!

《黑鏡》

 

《黑鏡》絕對係唔少人心目中嘅神劇之一,每一集都係獨立故事,所以唔會存在睇上癮,放唔底部手機嘅問題。而《黑鏡:潘達斯奈基》仲有得玩互動式劇情,由你選擇主角條路點行,製作用心,未睇過嘅人絕對不能錯過!

呢啲你都可能啱睇!

single image
再生銹既刀都有鋒利嘅一日 唔睇無話題 搞掂檔

【限時免費APP】Background Eraser全自動退地幾秒搞掂 一粒制都唔使撳

市面上的APP五花八門,設計APP就更多。做開Design嘅自己友都知道,我哋經常要將客户嘅產品退地,再將放落個Design到。如果手上咁啱無電腦用唔到PS,又想加快做嘢嘅效率,點算好?依家用手機App都做到退地效果,Background Eraser – ...
single image
一字咁錢

接freelance成日俾人拖數?試吓呢幾招!

相信唔少freelancer都遇過一日富貴,一日窮嘅生活,點解會咁?唔係我哋懶呀,係客户拖糧呀!無論做咩行業嘅freelance,大部分客户都要求先睇成品,再俾錢,但並唔喺個個客户都願意一手交錢一手交貨,好多時候份糧都喺一拖再拖先到freelancer手,唔想再俾人拖數?試下呢幾招啦! 先俾錢後交貨 自由工作者喺接jobs時,除咗要傾掂價錢之外,其實都可以試吓要求先俾錢後交貨嫁,好似寫網頁,寫程式呢類freelance就可以先比客户睇成品,當客户滿意並付款後,再將程式碼交俾客户,客戶既收到成品,freelancer又收到糧,雙贏! ...
Load More