武漢肺炎肆虐,令唔少人都開始注重衛生,預防每一個受感染嘅可能性。大部分市民出街都會戴翻眼鏡口罩,預防飛沫傳播,亦盡量避免外出用餐。不過咁樣都未夠咖,要做埋呢8大防疫習慣,先可以稱得上真正嘅「防疫達人」!
定期消毒手機
手機係日常寄存病毒嘅高危物品,最理想就係每日清潔一次,正反面都用消毒紙巾抹乾淨就最安全。
避免接觸電梯按鈕
電梯按鈕係高危傳播點,平時盡量唔好用手直接接觸,拎其他物品代替按鈕就最稱陣。
入屋前先消毒鞋子
平時出街鞋底可能痴上唔少病毒同細箘,就咁踩入屋會令屋內都沾滿病毒,所以入屋前除鞋,再用消毒噴霧噴噴對鞋就最安心。
蓋上馬桶蓋
武漢病毒會經由糞便傳播,所有平時沖廁前最好蓋好廁板,阻止馬桶內嘅細菌傳播開去。
定期消毒門柄/扶手
已經有案例證明患者門柄帶有冠狀病毒,門柄以及扶手都係高危位,平時出街定搭車,如果真係要扶住扶手或接觸門柄 ,最好先消毒,或者拎啲手套等工具隔一隔會更安全。
口罩超過4小時更換
唔少人為咗慳口罩,一個口罩戴足十幾個鍾,亦聽過戴住落街買外賣之後,搵嘢包好翌日再用。大家千其千其唔好咁做,口罩過咗4小時已經失去防護功效,定期更換先可以有效保護自己!!