在家工作嘅自己友,大多數都有聽住音樂辦公嘅習慣,不過識揀歌嚟聽對自己工作都有好大幫助㗎!今日小編就推薦幾個高質youtube channel 比大家,聽住嚟做嘢特別專心放鬆㗎!
呢個有成百萬訂閱嘅channel,有接近300首背景音樂,當中包括古典樂,管弦樂,鋼琴樂曲等音樂,亦有適合唔同環境使用,長多個幾鍾嘅音樂。用家可以聽住工作又得,聚會時播放又得,非常實用。
平時工作壓力大嘅自己友,可以試下聽呢個channel。裏面包含過百首柔和又放鬆嘅音樂,令人聽完心境平靜,思路清晰,除咗工作外,失眠人士都非常適合聽。
頻道以古典樂為主,包含過百首音樂,大多都係以放鬆,恬靜為主題,同時收藏真人演奏嘅影片,小編覺得聽住嚟做嘢真係有用,個腦會思路清晰咗。
講到動人背景音樂,一定唔少得宮崎駿系列嘅輕音樂。呢個頻道收藏咗唔少宮崎駿經典動畫配樂,有鋼琴版本,亦有大提琴,結他版,每個合集長達3小時,非常適合宮崎駿迷自己友。
呢個亦係小編力推嘅頻道,裏面收藏非常多動漫bgm,當中包括《你的名字》,《火影忍者》等背景音樂,同時亦有細分成唔同情緒配樂,有放鬆系列,難過系列,工作系列等音樂,總有一首適合你!