咁多位自己友，平時有無理財習慣呢？呢排相信唔少人都面對無job接困境，要逆市生存，首先就要學識節流！今日推介3個超實用理財app比大家，等各位可以好好規劃自己嘅財政！
gini係香港首個個人理財app，用家可以連結到本地銀行，瀏覽交易紀錄同賬戶結餘，佢仲會提供埋財務報告等資訊。報告將會整合所有銀行賬戶，同時自動分類消費習慣，啲錢洗係邊絕對一目了然。
記帳城市係非常特別，具遊戲性嘅記賬APP，集合理財同記帳於一身，有效幫助用家達成理財習慣。每次記帳遊戲中嘅城市就會興建一棟新建築，而且建築物會因帳單類別而產生，只要睇下城市出現得最多嘅建築，就可以知道自己消費最多嘅項目。
Spendee最大特色係，介面簡單，一用上手。Spendee以鮮艷色彩作消費分類，用家嘅支出，消費模式全部一目了然。而且裏面仲有埋ai幫你分析開支，提供實用理財建議，對於理財新手非常有用！
