3月可以話係劇迷最幸福嘅一個月,唔少高質劇集都陸續出續集,今日就介紹三套必睇恐怖驚悚韓劇比大家,各位恐怖片粉絲絕對可以過足煲劇癮!
《李屍朝鮮》
Netflix大熱韓劇《李屍朝鮮》由網漫《神的國度》改篇,以朝鮮和喪屍為題材,2020年3月12日就會上架第2季,未睇過嘅朋友可以一口氣追兩季!講述王世子李蒼意外發現宮中秘密,一邊微服查訪醫治父王的醫生,同時發現屍變瘟疫正蔓延全國,劇情刺激緊張,絕對一睇上癮!
《謗法》
tvN新劇《謗法》絕對係精彩無比嘅靈異驚悚劇,裏面充滿殘忍,驚悚,懸疑等元素,由電影《屍速列車》延尚昊作家執筆,絕對有品質保證。故事講述最大IT企業家被惡鬼操控,女記者與用詛咒殺人嘅謗法師少女,合力阻止惡鬼並展開鬥爭嘅恐怖故事!
《他人即地獄》
由恐怖漫畫改編嘅《他人即地獄》,故事變態血腥,每集都睇到人心寒,鍾意心理恐怖片嘅人一定不能錯過!故事講述鄉村少年尹鍾宇來到首爾生活,入住考試院後,發現住係考試院嘅全部都係怪人,行為舉止極度詭異,連主角自己都越嚟越神經質,慢慢發現身處地方嘅恐怖秘密…