疫情期間,唔少自己友為咗慳口罩都避免出街,但係屋企又無所事事。一個人除咗煲劇訓覺,仲可以有咩搞?
1.學一樣樂器
音樂可以令人平靜心境,世界上有咁多樣樂器,點解唔搵一樣學下,等自己多門技能呢?
2. 開始試做運動
而家肺炎疫情咁嚴重,最好就係做下運動,增強免疫力。只要上網隨便搵就會發現大量室內運動,包括cardio,hiit或肌力訓練等,每日堅持做十到二十分鍾已經有好大轉變!
3. 揀一本書睇
要數到消磨時間又有益身心嘅事,一定唔少得睇書。隨便揀一本偉人傳記已經足以啟發自我!
4. 堅持做幾件無用的事
如果迫自己做有用嘅事,有時會令自己太大壓力,反而搞到咩都唔想做。不如試下培養堅持嘅習慣,允許自己每日做幾件無聊事,好似抄下經,練下書法,睇下漫畫,都一樣令生活變得有趣。
5. 學習烘焙
一個人係屋企無野做,訓練下廚藝都係一個好選擇。學習烘焙絕對可以消磨你一整日嘅時間!