係疫情影響下,唔少人食外賣都食到厭厭地,開始自己下廚,希望食得健康之餘又慳翻啲伙食費。不過漫無目的上網搵食譜,確實係浪費時間又麻煩。所以小編平時都會裝定唔少實用煮食app,方便打開手機就搵到心儀食譜!
Cookpad
日本最大嘅烹飪網,只要註簡單註冊後,就可以搜尋唔同廚友分享嘅料理食譜。每個廚友都會寫明提供幾多道食譜同追蹤人數,你可以即時選擇多人追蹤嘅廚友,收藏各種私房菜食譜,包括素食、美式料理、日式料理等。而且全個app都無廣告出現,絕對係煮食好app!
iOS:點我
Android:點我
愛料理
愛料理APP提供超過十七萬個食譜,每日都會更新新食譜,同時提供一週菜單功能,包保你日日可以試整新菜色。註冊帳號後,用家可以點擊愛心收藏心儀食譜,每道菜都有相當清晰嘅簡介、製作步驟,仲有製作過程照片,包你跟住做唔會出事。
iOS:點我
Android:點我
DayDayCook
DayDayCook包含大量本地菜色,非常適合香港人口味。App內有超過 3,500 個家常食譜,例如家常菜⻄芹炒雞柳、⻘紅蘿白湯等,仲包埋煮食影片比你跟住煮,絕對係手殘人士必備。
iOS:點我
Android:點我