只要你有想法，就算無資金都一樣可以籌返黎！而家唔少眾籌平台都係創業者既集資地方，一齊睇睇下自己符唔符合眾籌資格先！
參與眾籌條件：
- 年滿18歲或以上
- 所發起的眾籌項目要用發起人既名或代表註冊的法律實體
- 係所屬國家有合法地址、銀行賬號與身份證同護照
而家香港既眾籌平台，暫時就有兩個。
FringeBacker係香港首個眾籌平台，目的係為左資助藝術，創新行業發展，同時都會幫慈善機構集資。例如保良局慈善跑、國家地理Earth Day Run、城市大學南極洲極地環境考察之旅等活動，而最出名既成功例子就係「曾俊華競選籌款計劃」，一共籌得超過五百一十四萬。
Umadx既出現，目的係成就香港人既夢想。直到依家Umadx已經運作左四年，亦都有唔少出名既項目成功集資，例如「音樂無界限——為基層兒童購買二手樂器」、「拯救5000本棄置教科書的行動」等。
如果你想做既野唔係咁local，又或者可以睇埋香港以外既平台。
Kickstarter係全球知名既眾籌平台，幾年前由外國進運亞洲市場，經常為唔同既創意專案集資，涵及電影、音樂、漫畫、新聞學、電視遊戲、美食、科技產品等。而當同最成功既集資個案，就係2012年由美國公司Pebble Technology發起既E-paper Watch，當時共籌得超過一千萬美元。
有夢又有plan既創業者，不妨將你既idea放上眾籌網站，或者可以得到意想不到既意外收穫哦！
