《李屍朝鮮》第二季早前已經播出，唔少劇迷都已經煲晒，不過又有幾多過睇得清全劇細節位？今日小編就總結翻第二季嘅劇情關鍵位，一文睇晒所有伏筆！
全智賢 vs 喪屍鈴鐺
大家記唔記得，醫女徐菲係第一季尾前往凍谷，遇到嘅喪屍群部分綁有鈴鐺。而第二季末全智賢身處嘅「喪屍營」中，亦出現呢啲小鈴噹，因此全智賢一角有機會係控制喪屍群嘅重要角色。
被推下湖的草民
係第二季第一集，喪屍群湧入陣營，捉虎隊等人渡船逃亡。上船後眾人發現一男子手被咬受感染，結果將佢推落湖。但後來知道水可以拯救感染者，所以嗰名男子有無死去，生還的話會唔會係第三季出現報復？
元子點解仲有寄生蟲於體內？
當中有機會係生死草仲隱藏其他秘密，亦有機會因為元子當初浸水無浸晒全個身。因為醫女當時同世子講，自己幫元子浸手腳驅蟲，無提到浸埋個頭／全身，有機會因為咁元子身上仲有毒蟲。
兩季總結生死草秘密
－喜愛低溫
－怕火，怕水
－煮過後亦能生存
共兩種喪屍：
一.生死草復活喪屍
「將生死草搗碎後沾於針上，在印堂穴處插入一分深，一個時辰後死亡的屍體便會復活」
呢種屍咬到嘅人唔會變喪屍，只會慢慢死去。（所以趙學柱無異變）
二.食用喪屍咬死的人肉
呢類喪屍咬完人後，人就會受感染變成喪屍，所以第一季先會出現喪屍潮。
