各位自己友留意啦,我地又搵到cp值爆高字體比大家,超有個人特色之餘仲免費下載可以商用,絕對係字型控福音啊!!
今次要介紹嘅係全新開源字體「jf open 粉圓字型」,由台灣字型設計團隊 justfont推出,亦係基於日本字型 Kosugi Maru 再作改良。全套字型都充滿日系風格,而且仲增加咗 Kosugi Maru 中缺少嘅 1,477 個漢字,解決咗用日本字體無法出某種漢字嘅麻煩!
「jf open 粉圓字型」風格可愛,非常適合用係海報,文宣設計上。現時「jf open 粉圓」可自由商用兼免費下載,絕對係設計師福音啊!