咁多位自己友,應該都有經歷過被客人壓價,薪水打折呢類辛酸史。唔少人係交易談判上都處於下風,往往輕易被客人「拎着數」。要保障自己嘅利益,大家一定要學翻兩招「必勝談判術」,同時做到唔得罪客戶又可以保留最大利益嘅結果!
談判基礎戰術:
1.BATNA(最佳替代選項:best alternative to a negotiated agreement)
先預備係多於一個後備方案,再同客人進行談判。萬一首個方案傾唔掂,都可以即使換上後備方案,避免被客人牽著鼻子走。
例子: 自己友:整個設計方案計埋優惠$3000 客人:可以平$200?我見xxx都係做緊$2700左右 (呢個時候推介備案) 自己友:至多設計方案包免費改5次(後備方案),質素一定有保證! (堅持不減價,但提出附加建議作讓步)
2.錨定戰術
透過強烈對比,調整客人認知範圍,從而製造「化算感覺」。
(適用於對該買賣無太大概念嘅客人)
例子:
自己友:你預幾多budget係呢個方案? (先探索客人理想預算) 客人:大約$3000,少過$2500就更好 自己友:(先提高方案定價,再打折扣) 我地個精選方案原價$3500,今期特惠做緊$3000 新客我可以再平多$100比你! (係金額強烈對比下,營造平價假象,刺激購買意願)
3.提供免費/低成本資源作誘餌
世界上有唔少人潛意識都係「貪小便宜」,往往難以拒絕免費資源同試用品,使用後又會產生回饋心態,不自覺答應交易。
例子:
自己友:呢個方案$3000左右,係本月最受歡迎嘅方案! 客人:個方案係幾好,但$3000好似貴咗少少喎 (客人表明對方案有興趣,呢個時候可提供免費體驗/試用刺激購買欲) 自己友:我地有24小時免費使用嘅體驗方案,你可以試完再睇下有無興趣!