係屋企最慳錢又最容易打發時間嘅活動，一定係煲劇無誤。而4月將會係劇迷嘅幸福開始，因為多套日本重頭劇都係4月播出，尤其係等左7年嘅超級神劇 《半澤直樹2》，睇怕劇迷成個4月唔出街都無問題！
《半澤直樹2》
2013年神劇《半澤直樹》創下日本平成年代單集日劇最高收視紀錄，劇料一直超期待出續集，點知一等就7年！今季堺雅人係上集被調派到子公司「東京中央證券」後，將會上演一場鬥智鬥力嘅職場戰爭！
首播日期：4月 (日期未定)
《默默奉獻的灰姑娘》
新劇《默默奉獻的灰姑娘》改編自漫畫，主角更由女神石原聰美擔任，而男主角就由近期爆紅嘅田中圭接手。故事講述石原係一個充滿熱誠，為左病人不辭勞苦嘅藥劑師，可惜一直未被同事上司看好，更要獨自面對各種困難。
首播日期：4月9日
《搏命保鑣2》
木村拓哉繼《摘星廚神》同《教場》牽起熱話後，近期新劇《搏命保鑣2 》亦令人關注。劇集延續木村前年主演嘅爆紅劇集《搏命保鑣》，今次續集將會有齋藤工、菜菜緒，間宮祥太朗等原班人馬坐陣，更會加入新力軍勝村正信、仲村亨和市川實日子等，淨係演員陣容都已經令人超期待！
首播日期：4月16日
