相信唔少freelancer都遇過一日富貴，一日窮嘅生活，點解會咁？唔係我哋懶呀，係客户拖糧呀！無論做咩行業嘅freelance，大部分客户都要求先睇成品，再俾錢，但並唔喺個個客户都願意一手交錢一手交貨，好多時候份糧都喺一拖再拖先到freelancer手，唔想再俾人拖數？試下呢幾招啦！
先俾錢後交貨
自由工作者喺接jobs時，除咗要傾掂價錢之外，其實都可以試吓要求先俾錢後交貨嫁，好似寫網頁，寫程式呢類freelance就可以先比客户睇成品，當客户滿意並付款後，再將程式碼交俾客户，客戶既收到成品，freelancer又收到糧，雙贏！
邊做邊岀糧
做freelance梗喺想做大project啦，雖然要用多啲時間，但收入都頗為可觀，如有幸接到大project，做freelance嘅你就可以同客户傾下邊做邊岀糧。在初步階段為客户詳細列岀項目所需要用的時間，每星期的工作量，每星期的工作成果，並要求客户每星期支付相當的薪水，咁就萬無一失啦，一方面客户又可以跟上項目的進度，另一方面，freelancer又唔怕為咗呢份project而要食麵包幾個星期呀。
雖然呢啲都喺可行嘅方法去保障自己，但最重要都喺要同客户有商有量，切忌企硬，否則機會可能悄悄流失，到時就真係得不償失啦。
