Netflix 首頁所推薦劇集及電影，大部份都喺自己平時睇開嘅類型，或者喺最近流行嘅片，如果你咁啱睇到悶悶地，想發掘下其他類型嘅片就啱晒啦！今次為大家推介動漫系列，以下兩套動漫極具深層意義都值得大家一睇再睇，只要你喺自己友一定明白當中細思極恐嘅感覺。
第一套推介俾大家睇嘅動漫叫做《約定的夢幻島》，故事背景喺一間孤兒院，孤兒院入面嘅小朋友喺「母親」嘅照顧下，都有一個開心嘅童年，而每一位小朋友都會喺6至12歲嘅時候被領養、離開孤兒院，一切都安排得完美無瑕。
睇落溫馨嘅故事，點解偏偏被定為恐怖動畫（10695）嘅分類？原來呢一切看似幸福美滿嘅糖衣包裝底下，埋藏咗極大嘅陰謀！
3位主角心智比其他人成熟，直至佢哋即將年滿可以被領養嘅年齡，渴望離開圍牆嘅時候，竟然發現驚天大秘密……到底秘密喺乜嘢？「母親」嘅真實身份喺邊個？「被領養」嘅孤兒真喺得到幸福？呢啲問題就留比大家自己搵答案啦！
另一套細思極恐嘅動漫喺《心靈判官》，故事背景設定喺2113年，劇情圍繞「希貝兒」先知系統，呢個系統可透過掃描觀察人的外表，從而分析嗰個人嘅「心靈指數」、「犯罪指數」、「色相」。
「希貝兒」嘅初衷係為咗維護社會安寧、讓每個人都可以幸福快樂地生活，當「希貝兒」偵測到對方嘅「犯罪指數」過高就會執法，「犯罪指數」嚴重超標者更會因此喪命。
相信大家都好好奇，「犯罪指數」點樣先會超標？根據劇中嘅準則，懷疑他人、意圖加害他人、懷疑社會、違反「希貝兒」就會令「犯罪指數」超標。當你咩都無做過、咩都無講過，都有機會被機器掃描出內心諗法，美其言喺為咗社會和平穩定，實際上所失去嘅嘢你又承唔承受得起？
呢套動漫嘅分類喺動作動畫（2653），除咗細緻嘅劇情鋪排之外，劇情中嘅動作場面亦都係一大亮點，仔細描繪角色之間嘅動作場面，有別於普通動漫的動作戲粗略帶過，為成套動漫嘅視覺效果加唔少分！想睇其他類型嘅動漫可以click入下面嘅link：
