諗返自己喺生活中有幾耐無好好笑過？現實生活太過荒謬，疫情期間要減少外出，不妨搵時間同屋企人坐低睇電視放鬆一吓，轉換吓心情之餘仲可以增加一家人互動嘅時間。
《節拍人生》喺今年6月嘅新戲，圍繞女主角April嘅舞蹈故事，戲中有好多跳舞嘅場面，中意睇熱血勵志戲嘅朋友一定中意。
April嘅舞藝精湛但自我中心，夢想喺企喺「百老匯」嘅舞台上發光發亮。選拔賽嘅早上，April因為趕時間而搶走一個女人嘅的士，點知選拔賽結束後先發現嗰個女人喺舉足輕重嘅人物，爭執期間April更加唔小心令到佢受傷。
自此之後佢以為自己再無機會喺呢行發光發亮，所以佢離開大城市返去小鎮，機緣巧合下做咗一班跳舞資質平庸小朋友嘅老師。
喺佢哋追夢嘅同時爆出唔少笑料，April同佢嗰班學生最終嘅結局會喺點？就留返比大家去發掘啦！
《摩登家庭》喺用偽紀錄片形式呈現劇中三個家庭嘅故事，每個家庭都有各有吸引之處，第一組家庭喺經典嘅三人家庭，第二組家庭喺五人家庭，有兩個姐姐一個弟弟，而第三組家庭喺同性婚姻家庭，領養咗一個亞洲嘅小朋友。
全劇圍繞佢哋嘅日常生活、互動，帶出各項社會議題、家庭問題，雖然劇情係虛構，但總會令人覺得好似係身邊發生，有時候劇中嘅角色仲會對住鏡頭直接同觀眾傾計，令成套劇嘅現實感更加重。
疫情期間冇辦法出去玩，唯有自己喺日常生活中搵到樂趣，大家不妨睇吓呢套劇，感受一下親情、友情同埋愛情嘅溫暖，讓你喺困境之中會心微笑。
如果大家想喺疫情之中放鬆一下，仲可以㩒入以下嘅喜劇分類，用笑聲調節自己最近鬱悶嘅心情啦！
