肺炎疫情期間大家留喺屋企抗疫，想食好嘢嘅話只好嗌外賣，好多餐廳都登陸咗網上外賣餐飲程式。今次介紹大家用一個新推出嘅外賣App Eats 365，㩒個掣就睇晒附近所有餐廳嘅餐單同埋最新優惠，大家留喺屋企都可以搵到好嘢食啦！
大家可以喺Eats 365手機app睇到每間餐廳嘅最新餐牌，輸入外賣地址之後，就會自動顯示附近餐廳。Eats 365手機app嘅版面都好方便，大家可以按嗰刻想食嘅類型篩選餐廳，咖啡店、日本菜、西餐、中式點心、越南菜同埋泰國菜都應有盡有。餐牌仲會按供應時段分類，睇啱之後直接用手機app落單，坐定定喺屋企等外賣就搞掂。
Eats 365唔會好似其他外賣平台收咁貴服務費，只會向餐廳收取約5%服務費，所以餐廳嘅成本會相對較低，咁大家慳返嘅錢就可以食多幾餐啦！
